viernes, 28 de noviembre de 2014

Uviéu ensin Black Friday


     Antón marchóu a Uviéu esta mañana pa mercar unos preseos, una estera ya seique, loción pal afeitáu (after shave, pa los que tais más preparaos). Foi’l casu que vieno reburdiando por culpa de que nun topóu’l que viera estos días más espublizáu, el Black Friday.

martes, 18 de noviembre de 2014

Pa esconsoñar

     
     Farruco fri las patacas con 20w50 porque diz qu’asina esconsoña meyor dempués de xantar. Foi’l casu qu’hai poucu tuvo qu’ingresar d’urxencia nel Severo Ochoa por cuenta de lu que se-y abultaba una afeición del apéndiz, pero nun foi ansí ya despachanon-y darréu pa casa camudando-y l’aceite namás. 

martes, 11 de noviembre de 2014

Un gabitu a Bertu

Bertu anda clamiando que-y echen un gabitu ya que daquién-y diga onde vive’l que colingara’l videu de calecer un cuartu con un tiestu y una vela. Foi’l casu que punxo a iguar l’esperimentu ya, pasáu un pedazu, españó-y el barru en milenta cachos ya un lu caltién espetáu nun güeyu. En resultancia, anda ingresáu, la casa ya la panera queimanon, a la güela dio-y un papurriu ya la muyer darréu marchara con outru.

miércoles, 5 de noviembre de 2014

Incomenencia



     Maruxa foi al mélicu por culpa de que pelas nueites tien que !!evantar muitas veces al escusáu pa nun derrocar na cama ya camentó-y que si nun taría entamando cola “impertinencia”. A lu que’l doctor-y retrucóu: non muyer, non, usté sigue siendo abondo educada.