Listerine ía un paisanu al que–y güel
mui mal l’aliendu. Nun voi dicir de que pueblu ía por culpa que llueu siempre
hai daquién qu’enfoucica. Foi’l casu que los mélicos nun daban col orixe de la cuestión
fedionda, nin siquiera’l doutor de la iguala que–y pagóu una indemnización pa
que se diera de baxa. Arriendes, la muyer separtóuse d’él por causa de que tampouco yera
quien a aguantar el sou fedor. A lo postrero, seique Listerine colara pa Madrid
ya agora anda mui bien colocáu axorizando pelas mesas a los veceros que marchan
sero d’un restorán de lluxu.
