lunes, 27 de diciembre de 2010

LA PAREYINA



Fino de sufrir una mala esperiencia, un virus paeció apoderase del ordenador. Tolos mios rellatos desapaecieren amestaos a los documentos. Sentí que, dafurto, tolo qu’escribí esmoreciera, nesta vegada pol caprichu de dalgún hacker. Dempués, fui quien a allugar cada cuentu nel so requexu.

Davezu, aguanto que l' asturianu nun val pa nada. D’igual mena, las xácaras del mio blog nun tendrán valir pa muitos; sicasí, como soi mui neciu, nesti mesmu mes d’avientu (mes muertu) naz esti hermanu de “Pimpiruladas”: “Figos en Corias, cagalera en Cangas”. Asina, a los 2 años cabales, yá espublizo —p’andar per casa—, la pareyina.

Acristiano con esa caxigalina, que sentíase fai cuantayá nesa faza, una riestra chiplaterías que voi iguar al rodiu’l conceyu de Cangas del Narcea, u naciera mio pá.

Quicias, de la que muerra, a dalgunu y-presten los mios poemas y entós venga daquién a tocame la gaita. Nun quiero escaecer dicivos que si dalguno sabe como cobrar los 2500 euros pol nacimientu seya tan candial que me lu diga.