Chulín

     Non, nun m’alcordara de comenta-y a Bene que Chulín, la súa muyer ya Aurelín, el sou fíu, vinieran a la mi boda, va yá pa 37 años. Chulín tuvo muitos años de serenu en Madrid ya siempres foi mui fuerte. Sentí a daquién dicir que siendo bien mozu escapara d’una cabana arrodiada polos nacionales aventando-ys cartuchos de dinamita. Ye’l casu que naide queda eíquí pa lu contar, nin siquiera los más echaos p’alantre. Colas foutos recuperamos l’alcordanza; sicasí van cubriendo d’una capa de cafiante murnia que fiende en banduyu a causa de las inevitables ausencias. A lo postrero, esas semeyas son como la xaceda que’l tiempu desanicia del camín.

El sufraxu

     Aque!!a mañana la ciudá alboreciera enfarxopetada de cartelos. Prontu sería’l plebiscitu. La metá riquía el “SI” ya la otra metá pruyía pol “NON”. Nun esclariaban pa que coimes se votaba; sicasí, toos tenían drechu a votar. Unos se decantiaban pol  “SI” porque los outros diban a votar “NON”; los outros diban a votar “NON” porque aque!!os diban a votar “SI”. La votación, por alcuerdu políticu unánime, sería en día santu pa que nengunu perdiera’l so deber de trabayar. Seique naide s’enteróu d'a quien beneficiaba’l resultáu del referéndum; por embargu, ente toos paganon el sufraxu.