miércoles, 27 de mayo de 2015

¡PAÑÓME LAS ZREIZAS!


     Un golfón como ésti me papóu tolas zreizas d’una zreizal, magar que tuviera cubierta con una rede ya seique nun me van indemnizar. Amás, sé onde vive de baldre. Anda de caseiru pel miou terrén. Sicasí, anque yo soi del rebañu fatos a los que frin a impuestos, que naide esmoleza que nun-y voi aventar del nieru por culpa de que respeto muitu a los animales. De tala miente, nun ya precisu qu’aporten los “antideshaucios”; pero, como’l mierlu viniera de fuera, ando con mieu de qu'arriendes-y tenga qu’apurrir una paga.

martes, 12 de mayo de 2015

Ensin futuru

                                                                (Semeya, APV)

     “L'asturianu Fernando Alonso dirixe'l primer vuelu de prueba del Airbus tras l'accidente. Esnaló ensin incidencias una hora ya 50 minutos” (na prensa de güei).


     Yá se m’abultaba a min qu’en McLaren nun tenía futuru.

lunes, 11 de mayo de 2015

Xorra


     ¡Miánicas!, hai días que paez que llevanta ún del xergón con xorra. M’anduviera mancándo una muela de la filera d’embaxo ya m’averé a una clínica dental al envís de que me la sacaran. Foi’l casu que taba mui agarrada ya, de la que tiróu’l dentista con muita fuercia, nun sólo me llevóu esa pieza sinón outras tres más de las d’enriba. Pos, ¿vais creyer que nun me cobróu nada?

(Si daquién de los amigos del Feisbuc o siguidores de los mios blogues precisa’l sou teléfanu, nun tien más que lu pidir que se lu apurro darréu).