Ramos y flores,
hai restallón
de voladores,
na procesión.
Carga la cruz,
el primer neñu,
sal a la lluz,
con cara sueñu.
Detrás el cura,
tres la santina,
daquién mermura
de la guapina.
Tamién el Cristu,
sal de la ilesia,
se prende’l mistu,
persigna Alexia.
Mandan parar,
rodiella a tierra,
vamos rezar,
la media berra.
La gaita suena,
suena'l tambor,
ente la truena
del volador.
Vieno’l foriatu
pa nuesa fiesta,
glaya’l más fatu,
s’igua la orquesta.
Torna na esquina,
mira’l mirón,
y yá se fina,
la procesión.
No hay comentarios:
Publicar un comentario