Adiós pueblín de Surriba,
adiós fonte del palaciu,
adiós calea d’arriba,
malagustu pierdo'l xaciu.
Adiós praos ya castañales,
adiós xubida a Curniella
ya al Cuernu qu’alita males,
au la vista ía más bella.
Adiós Aicecheiru y Visu,
adiós camín de las minas,
vos dexé ensin previu avisu,
en baxando p’Argancinas.
Anque n'esqueicer t’afanes,
Sumiones ya La Pruída,
nel mezu de Campumanes,
van prindate de por vida.
Adiós: Virxe del Rosariu,
Santulaya, tan serena,
la capiya del Calvariu
ya tamién la Madalena.
Buelgas las de Santa Cruz
afitadas nel Castiechu,
onde t’eslluma la lluz
ya te fiende l’arca a trechu..
Zarrada quedóu la cueva,
en suaños quiciás la vea,
escuclando Villanueva
ya la ponte del Narcea.
La ilesia amuesa la esquela,
reparando ensin aliendu
tan los guah.es de la escuela
porque-ys falta don Rosendu.
No hay comentarios:
Publicar un comentario