El fueu abrasador ya
provocáu,
ya llapada qu'afara
l'occidente,
medrana que s'afita
en tanta xente,
desastre cada branu soportáu.
Xamusquen Valledor ya'l
so vedáu,
aguanta'l llabrador siempre
prudente:
mal vezu de dalgún
llocu inclemente
qu'en áscuaras camuda’l
Principáu.
Queimen casa ya
escuela en San Martín,
arruina l'etnográficu
muséu,
la llama s’acolumbra en
Coucellín,
en Cangas, en Miranda
ya en Tinéu.
Castiguen al culpable
pol so enclín,
que muerre la mi alma en Berducéu.
No hay comentarios:
Publicar un comentario